தீர்வு

டேய் அருணு ! கட்டப்பஞ்சாயத்துங்கிற, டைவோர்சிங்கிற உன்ன நினச்சா கஷ்டமாயிருக்கு மச்சி.

இந்த பொண்ணுங்களே இப்படித்தான், பழகிடிச்சு சுந்தரு. ஆனா நீ காதலிச்ச பொண்ணையே நெனச்சுக்கிட்டு முரட்டு சிங்கிளா இருக்கியேடா! ஒரு லவ் லெட்டர்ல லைப் மாறிடிச்சுங்கிற.. புரியல மச்சி!

அதை விடுடா! மறக்க முடியல. டெய்லி சாயந்திரம் ஆச்சுன்னா இந்த டீ கடைல வந்து கடுப்புல நம்ம பிரச்னையை பேசிக்கிட்டே வடைய காலிபண்றோம். நமக்கு வயிறு பெருத்ததுதான் மிச்சம். உன் பொண்டாட்டியும் மாறல, என் லவ் லெட்டர் புதிருக்கும் பதிலில்லை.

டேய் சுந்தரு, அப்படி என்னடா தெய்வீக காதல், நம்ம கமலே "அல்வார்ப்பேட்டை ஆளுடா" பாட்டுல சொன்னாருல -

"தாவணி போனால் சல்வார் உள்ளதடா!"
"காதலுக்கு பெருமையெல்லாம் பஸ்ட்டு காதல் தோல்விதான்!"
"காதலு ஒரு கடலு மாதிரிடா ! அதை மறந்திட்டு டம்ளருக்குள் நீச்சல் ஏனடா?"

சொல்றது ஈஸி மச்சி, இங்க டீ கடைல பேசி சொலுஷன் கிடைக்காது. இன்னைக்கு நைட் நம்ம ஏரியா ஸ்டார் ஹோட்டலுக்கு போய் தண்ணி அடிச்சுக்கிட்டே பேசுவோம்.

சரி சுந்தரு, கரெக்ட்டா ஆறு மணிக்கு வந்துரு. என் பொண்டாட்டி ஏற்கனவே கட்டப்பஞ்சாயத்துக்கு ப்ரூஃ ப் கலெக்ட் பண்ணிக்கிட்டுருக்கா. தெரிஞ்சா மாட்டிக்கிருவேன். ஆபீஸ்ல இருந்து போறமாதிரி  எட்டுமணிக்கெல்லாம் கிளம்பனும் .

சரி மச்சி பாப்போம்.

சுந்தரு, ஷார்ப்பா ஆறுக்கு வந்துட்ட. கூட வினய்யுமா? இது தண்ணி அடிக்காதேடா?

அருணு, இது சும்மா வந்து ஸ்டார் ஹோட்டல்ல ஓசி ஸ்னாக்ஸ் சாப்பிடலாம்னு வருதுடா !

சரி சரி வாங்க, உள்ள போவோம் !!

சுந்தரு, என்னடா பெரிய கல்யாண மண்டபம் மாதிரி இருக்கு ?

டேய், இது ரெஸ்டாரண்ட். அந்த மூலைல கண்ணாடில தடுப்பு போட்டு சின்னதா 8க்கு 20ல ரூம் இருக்கு பாரு. அதுதான் பார்.

வெல்கம் சார்! யு கேன் சீட் ஹியர்..திஸ் ஈஸ் ரெஸ்டாரண்ட் கம் பார்..  சார்

இப்புடி நடுவுல இவ்ளோ வெளிச்சதிலலாம் முடியாது.. பாஸ் !!

தென் வெயிட் பார் டென் மினிட்ஸ் சார்..

அடங்கொய்யால, பீரு 450 ருபாய் போட்டிருக்கான் சுந்தரு.

மச்சி கவலைப்படாத ஏண்ட்ட கார்டு இருக்கு ! ஸ்னாக்ஸ் நெறைய வைப்பான்போல.. வினய்க்கு வேட்டைதான்..

சுந்தர் : "Excuse Me! ஆறு பீர் 2500 போட்டிருக்குல கொண்டுவாங்க... வித் ஆல் ஸ்னாக்ஸ்.. பாஸ் !!"

ஓகே சார்..

வந்துருச்சு மச்சி..

ஹலோ! ஸ்னாக்ஸ் வைக்கல?

இதுதான் சார்..

எது.. இந்த 5 ரூபாய் கடலையா ?

எஸ் சார்.

உடனே வினய் குறுக்கிட்டு - "ஏங்க, ரசவடை, சுண்டல், முட்டை, கேரட் குகும்பர் சாலட், சிப்ஸ், காரச்சேவு, மிச்சரு, முறுக்குன்னு வித விதமா பார்ல கொடுப்பாங்களே !

சுந்தர் : "பயபுள்ள தண்ணியடிக்கிறவனுங்களோட ஓசியா அடிக்கடி பொய் எவ்வளவு தெரிஞ்சு வச்சுருக்கு பாரேன்"

சார்! தட் யு வில் கெட் இன் லோக்கல் பார்ஸ்.

மச்சி! நம்மள லோக்கல்ன்னு சொல்றான்டா ! இவன்ட்ட இப்படி கேட்கக்கூடாது மச்சி!

ஹலோ! ஆளுக்கொரு பீரு எடுத்திட்டு தனி தனியா டேபிள்ள உட்கார்ந்தா மூணு கடலை தருவீங்கல்ல ?

எஸ் சார் !

போய் கொண்டுவாங்க!

பார் டெண்டர் ஏதோ ஒருவனிடம் தலையில் அடித்துக்கொண்டே பேசிவிட்டு, ரெண்டு பிளேட் கடலை கொண்டுவந்தான்.

அருண் : "மச்சி, ஏன் நமக்கு வாழ்க்கைல எல்லாமே ஏமாற்றமா இருக்குது?"

விடுடா அருணு.. உன் பிரச்சனை முடிப்போம்டா ! சந்தோசமா சியர்ஸ் அடி!! இது நம்ம பிரச்சினைகளுக்கு  தீர்வு காணும் பொன்னான நாள்டா !

வினய் : "டேய், எனக்கு எக்ஸ்ட்ரா சைடு டிஷாவது வாங்கி தாங்கடா, பசிக்குது.

இவன் வேற இடையில! கம்முனு கடலையை தின்னுட்டு இருடா. சுந்தரு, நீ உன் காதல் கதையை சொல்லு மச்சி. ஏதோ லவ் லெட்டர் பிரச்சனைனு சொன்னியே !

நம்ம ஊர் A V college of engineering ல fourth செமஸ்டர் படிச்சுக்கிட்டுருந்தேன்,  என்னோட வித்து குட்டி செகண்ட் செமஸ்டர் படிச்சுக்கிட்டுருந்தா.

அருண் : "சுந்தரு, அதே காலேஜிலதான் என் தங்கச்சியும் படிச்சாடா. அப்புறம் என்னோட ஆளும் அங்கதான் படிச்சது. என் தங்கச்சியோட ஃபிரண்டு தான் அவ.  நல்லவேளை நீ சொல்ற வித்து கித்துவெல்லாம் கிடையாது.  சரி உன் கதையை சொல்லு. ஆமா, அது என்ன வித்து குட்டி? கேரளாவா ?

அப்படிதான் செல்லமா கூப்பிடுவேன் மச்சி. கதையை கேளு. நான் sixth  செமஸ்டர் வரும்வரை டெய்லி நாங்க ரெண்டு பேரும் வெறுமனே பார்த்துக்கிட்டுதான் இருந்தோம். பேச நல்ல சான்ஸ் கிடைக்கல.
ஒரு நாள் காலேஜ் வரண்டால, தண்ணி குடிக்கிற இடத்துல பேந்த பேந்த முழுச்சு நின்னுக்கிட்டிருந்தா மச்சி. நான் அவகிட்ட மெதுவா போய், ஏங்க உங்க நம்பர கொஞ்சம் ஷேர் பண்ணலாம்லன்னு சொன்னேன். அவ,முதல்ல இந்த வாட்டர் பாட்டிலில தண்ணி கொண்டு வர்ரீங்களா ! கேன்ல தண்ணி இல்லைன்னு சொன்னா!   உடனே வாட்டர் கேனையே கொண்டுவந்து ஆபீஸ் பாயெல்லாம் (office boy)எதிர்பார்க்காம, நானே வாட்டர் கேனை மாத்திவிட்டேன். வாட்டர் பாட்டில்ல தண்ணி நிரப்பி கொடுத்தேன். அவ அதை வாங்கிகிட்டு வாஷ்ரூம் ஓடிட்டா !

வினய் :  "டேய் நீ அவளுக்கு கக்கூசுக்கு தண்ணி கொடுத்து கரெக்ட் பண்ணிருக்க மச்சி. லேடீஸ் டாய்லெட்ல தண்ணி வந்துருந்தா உன் லவ்வே கிடையாது"

டேய் உனக்கு தெரியுமா? வாஷ்ரூம் கொண்டுபோய்டா அவ்வளுவுதான்.
மறுநாள் அங்க தண்ணி குடிக்கிற இடத்துலயே வெயிட் பண்ணினேன்.

வினய் : "எதுக்கு டெய்லி  கக்கூசுக்கு தண்ணி எடுத்துக்கொடுக்கவா?  லேடீஸ் டாய்லெட்ல தண்ணி இல்லைனு ஆபீஸ்ல சொல்லி இருக்கலாம்ல, அதுக்காக இப்படியா குடிக்கிற தண்ணிய கண்டதை கழுவ யூஸ் பண்ணுவீங்க"

கரெக்டா வந்தா, என் கையில ஒரு பேப்பரை திணிச்சுட்டு வெட்கத்துல சிரிச்சுகிட்டே ஓடிட்டா. அப்புறம் ஃபுள்ளா ஒரே போன் தான். ரெகுலரா மீட் பண்ணுவோம். வீட்டுக்கு ரொம்ப பயந்த பொண்ணு. எப்படி அப்பா அம்மாவை சமாளிக்கபோறேனோனு சொல்லிகிட்டேயிருப்பா. Nineth செமெஸ்டர் வரை நல்லாத்தான் போச்சு. அப்புறம் ஏனோ போன் எடுக்கிறதில்ல, மீட் பண்றதில்ல.

அப்புறம் அவ frienda புடிச்சு விசாரிச்சேன். அவ ரொம்ப கோபமா, யாராவது இப்படி அறிவில்லாம லவ் லெட்டர் அனுப்புவாங்களான்னு சொன்னா. நான் எவ்வளவோ அந்த லெட்டர் பத்தி தெரியாதுன்னு சொல்லியும் அவ கேக்கல. எல்லாம் முடிஞ்சது கல்யாணம் பிக்ஸ் ஆகிடுச்சுன்னுட்டா !! தூக்கி வாரி போட்டோருச்சு மச்சி.

அருண் : "அப்படி லெட்டர்ல என்னதான்டா எழுதுன?"

டேய் வெறுப்பேத்தாத, எனக்கே ஒன்னும் புரியல. நான் லெட்டர் கொடுக்கல. அவளுக்கு கல்யாணம் ஆகிடுச்சுடா! என் வாழ்க்கை முடுஞ்சுபோச்சு.
உன்பிரச்சனைய சொல்லு நீ. ஆனா டைம் பாத்துக்கோ, இப்பவே 7:30 ஆச்சு. 8 மணிக்கு போகலைனா பிரச்சனைனு சொன்ன. என்னால புது பிரச்சனை வேணாம் மச்சி.

அருண் : "விடு சுந்தரு பாத்துக்குவோம்."

வினய் : "டேய் ! எனக்கு குடிக்க  தண்ணியாவது வாங்கி தாங்கடா !"

சுந்தர் : "உனக்கு வாய் இல்ல.. கேளு! ஸ்டார் ஹோட்டல் தண்ணி நல்லா இருக்கும். காசில்லை.. ஓசீதான். நல்லா குடி.!!"

அருண்: "என் கதை 2006 லருந்து 2013 வரை கவர் பண்ணும்."

சுந்தர் : "2006லேயே உன் பொண்டாட்டிய பாத்துட்டியா ? லவ் மேரேஜா ?"

இல்ல மச்சி. இது வேற.

சுந்தர் : உன் பிரச்சனைக்கு தீர்வு பார்க்கலாம்னு பார்த்தேன். சரி சொல்லு. பீர் வேற காலியாயிருச்சு மச்சி. ஆறு பீரும் காலி.

ஹலோ. டூ பீர்ஸ் ப்ளீஸ்!!

வினய் : "அந்த கடலையும் ரெண்டு கொண்டுவாங்க!! ப்ளீஸ் "

அருண்: அவ பேரு கவிதா. முதன் முதலா நான் பிளஸ் டூ படிக்கயில பார்த்தேன். அவளும் நம்ம ஊரு கேர்ள்ஸ் ஸ்கூல்ல டென்த். டெய்லி ஸ்கூல் விட்டு வரும்போது எதிர்த்தெதிர்த்து வரும்போது பாப்போம். அழகான புன்சிரிப்பு.

சுந்தர் "சூப்பர் மச்சி !"என்று கூறியவாறே, கடலையை வாயில் போட்டுக்கிட்டு டிவி பார்த்துக்கொண்டிருந்த வினய்யின் கன்னத்தை மெதுவாக திருப்பி அதே கையால் ஒரு அரை விட்டு, "டேய்! இங்க கவனி, இது கதையல்ல ஃபீலிங்ஸ்(feelings)"

வினய் ரெண்டு கன்னத்தையும் கையால மறைச்சுக்கிட்டு கதையை கேட்டான்.

கவிதா நான் ஸ்கூல் விட்டு வரலைனா அதே தெருவுல வெய்ட் பண்ணுவா மச்சி.அவளை அவ தாய் மாமனுக்கு ஏதோ ஜாதக பிரச்சனைன்னு சீக்கிரமே கல்யாணம் பண்ணிவச்சுட்டானுங்க.

சுந்தர் : "மச்சி, இத சும்மா விடக்கூடாதுடா. ஏதோ வாழ்க்கைல ஒருமுறை கஷ்டப்பட்டு கரெக்ட் பண்ணி  லவ் பண்றோம். இந்த அப்பன் காரனுங்க கெடுத்து விடுவானுங்க... குழந்தை திருமணம்னு கேஸ் போட்டு ரெண்டுல ஒன்னு பண்ணலாம். உன் போன கொடு மச்சி! அவ அப்பனுக்கு போன் போடலாம்." என்று கத்தியவாறு எழுந்தவன் எல்லா பீர் பாட்டில்களையும் கிளாஸ்ஸயும் தள்ளி விட்டான். ரெஸ்டாரண்ட் முழுவதும் இவங்களையே "எவனாவது வந்து இவிங்களை வெளிய பத்தமாட்டாங்களா?" என்பதுபோல் பார்த்தது.

பார் காரன் ஓடி வந்து, "சார்,  ஒன் கிளாஸ் ஸ் ப்ரோக்கன் சார்!! யு  ஹாவ் டு பே வித் த பில். அப்புறம், டோன்ட் மிஸ்டேக்  மீ, கொஞ்சம் அமைதியா சார் ... எல்லோரும் கம்ப்லைன் பண்றாங்க.

வினய் : ஓகே ஓகே. நோ ப்ரோப்ளம். சாரி.

அருண் : டேய் ரெண்டுல ஒன்னு இல்ல, இப்போ அவளுக்கு ரெண்டு பிள்ளைங்க. நாம ஒன்னும் செய்ய முடியாது..  அடங்கு.

(போனை பிடுங்கிய சுந்தர் போதையில் அவன் பாக்கட்டிலேயே வைத்துவிட்டான்)

அருண் தொடர்ந்தான், "அப்புறம் காலேஜ் போய்ட்டேன். வனஜா அப்ப ஸ்கூல் படிச்சுகிட்டிருந்தா - பிளஸ் டூ"

சுந்தர் : இது என்னடா புது கதை..

அப்பல்லாம் தெருவில போய் குழாயில தண்ணி பிடிபோம். நானும் அவளும் டெய்லி தண்ணி எடுக்க வருவோமா அப்படியே லவ் ஆகிருச்சு. ஒருநாள் அவ அப்பன் பார்த்து குழாயடில வந்து திட்டிவிட்டுட்டான். அப்புறம் அவன்தான் தண்ணியெடுக்க வருவான். நான் தண்ணி எடுக்கிறத  நிப்பாட்டிட்டேன்.

தண்ணி எடுக்கிறத நிப்பாட்டிட்ட,  உன்  லவ்வு என்னாச்சு.. ?

இல்ல மச்சி, லவ்வும் முடிஞ்சிருச்சு.. அதைவிடு. second செமஸ்டர்ல கூட படிக்கிற பொண்ணு ஒன்னு என்னையே பார்க்கும் மச்சி. அவ பேரு கமலா. லவ்வாதான் இருக்கும்னு சும்மா கேட்டு பார்த்தேன்.ஆமானு சொல்லிட்டா !

மச்சி !  கதை கலீஜா போய்கிட்டு இருக்கு மச்சி.. மூணு லவ்வா ? உன் பிரச்சனை தான் என்னடா?

அடுத்ததுதான் இன்டெரெஸ்டிங்கா இருக்கும் மச்சி ! காலேஜில ஒரு ஃபேர்வெல்  பங்க்க்ஷனுக்கு பேர் (pair) பேரா ஆடவிட்டானுங்க!

சுந்தர்: கிழிஞ்சுச்சு போ! இதுல என்ன இன்டெரெஸ்ட்டிங்? நீ உன் பேர(pair) கரெக்ட் பன்னிருப்ப! தயவு செய்து உன் காதலிகள் பெயரை சொல்லாத.. ஞாபகத்தில வைக்கமுடியால. நோட் போட்டுத்தான் எழுதணும்.. செமஸ்டர்க்கு ஒன்னுனு பத்து இருக்கும் போல. உன் வீட்டு பிரச்சனைய சொல்லுடா 9:30 ஆகிடுச்சு !

பர்ஸ்ட் இயர்ல ஒரு பொண்ணு ஜாயின் பண்ணினா மச்சி.. அப்புடி அழகு !! கஷ்டப்பட்டு பாலோ பண்ணி லவ் பண்ணேன் மச்சி. அவங்க அப்பா ட்ரான்ஸ்ஃபெர் ஆகிட்டாருனு ஊரை விட்டே போய்ட்டா.

சுந்தர் : நல்லவேளை போய்ட்டா..

(வினய் மனதுக்குள்  - ஆமா, காரி துப்பிர மாதிரி ஒரு கதை சொல்றான்.. இதை கேட்க அடிச்சு உட்கார வச்சிருக்கானுங்க.. பசி உயிர் போகுது.. 11 மணி ஆச்சு.. பாரயும் கிளோஸ் பண்ண மாட்டேன்றானுங்க... சுத்தி எல்லாரும் சிக்கன் மட்டன்னு வெளுத்து வாங்கிறானுங்க.. இவிங்க 6 மணிலருந்து வெறும் கடலையை கொடுத்து உட்காரவச்சுருக்கானுங்க..  தண்ணி மட்டும் ஓசியா கிடைக்கிறதால வாங்கி தரானுங்க.. பாவிங்க)

அருண் : இப்போதான் டர்னிங் பாயிண்ட் மச்சி ! நல்லா கேளு !

சுந்தர் வினய் பக்கம் திரும்பினான். வினய் கன்னத்தை பொத்திக்கொண்டு கூர்மையாக காதை கொடுத்து கேட்டுக்கொண்டிருந்தான். அவன் கையை கன்னத்திலிருந்து எடுத்துவிட்டு ஒரு அரை விட்டான்.

இப்ப ஏன்டா அரையிற? வலிக்குது!!

டேய் நீ இப்படி கேக்குறதாலதான் இவன் இப்படியெல்லாம் பேசுறான்!!

என்ன தான்டா பண்ண சொல்ற ?

கன்னத்தை பொத்துறதுக்கு பதிலா காதை பொத்து !!

அருண் : பாவம்டா அவனுக்கு ஒரு சிக்கன் வாங்கி கொடுடா.. ஆனா 1500 ரூபா  மச்சி .. இனிமே இங்க வரக்கூடாது..

சுந்தர் : கார்டு இருக்கு மச்சி.. ஹலோ ஒரு சில்லி சிக்கன் போன் லெஸ் (bone less) ப்ளீஸ்

அருண் : பாஸ்டா சொல்லிடறேன் மச்சி ! இப்பதான் கதைல டர்னிங் பாயிண்ட் மச்சி ! நல்லா கேளு !

சுந்தர் : சொல்லித்தொலை !!

நம்ம பேரு எல்லா இடத்திலயும் பாப்புலர் ஆகிடுச்சா, ஒருத்தவளும் சிக்கலை.. பைனல் செமஸ்டர் ப்ராஜெக்ட் பண்ண ஒரு பேர் (pair) போட்டானுங்க..

போச்சு !

இல்ல மச்சி அவ டக்குனு மடங்கல,  பழைய கதையெல்லாம் அப்படியே சொல்லி என்னைய கழுவி கழுவி ஊத்தினா !!ஆனா மனசுக்குள்ள லவ் பண்ணினா மச்சி ! எனக்கு தெரியும். அவதான் என் மனக்கண்ணை திறந்தாள்.. அவதான் சொன்னா, நீ பண்ணதெல்லாம் லவ் இல்ல ஒரு இன்பாக்சுவேசன் (infactuation). ஜஸ்ட் ஹார்மோன் கோளாறுன்னு .. டக்குனு அதை புடுச்சுக்கிட்டேன் மச்சி.. "ஆமா விஜீ, நீ சொல்றது கரெக்ட் தான்! கமல் கூட அவர் பாட்டில இதல்லாம் லவ் இல்லைனு சொல்லி இருக்காரு..

"காதல் ஒன்னும் கடவுள் இல்லையடா!
இந்த எழவெல்லாம் ஹார்மோன் செய்யும் கலகம் தானடா !!" ன்னு சொன்னார் அப்படினா, நாம இப்ப பண்றதுதான் உண்மையான காதல் விஜீ ன்னு சொல்லி அவளை மடக்கிட்டேன்.

ஆமா எதுக்கெடுத்தாலும் கமல் சொன்னாருங்கிரியே , அவரு அதே பாட்டுல,
"ஒன்னு ரெண்டு எஸ்கேப் ஆன பின்னே,
உன் லவ்வுதான்,  மூணாம் சுத்துல முழுமை காணுமடா!!" ன்னு சொல்லிருக்காரே.. உன் லவ் இப்பவே ஆறாகிடுச்சே!! உன் தேவைக்கு பாட்டுல இருந்து லைன யூஸ் பண்ணிக்கிற..

அதுசரி, பழைய லவ் வெல்லாம் என்னாச்சு மச்சி?

அது ஒன்னும் இல்ல மாப்பிள்ள, நான் வேற வேறன்னு போறெனாமாம்.. அவள்களா கழண்டுட்டாளுக !

சரி, இது உன் பொண்டாட்டிக்கு தெரியுமா?

தெரியும் மச்சி! ஒரு வருஷம் மறச்சுட்டேன் ! அப்புறம் நல்லாத்தானே வாழ்க்கை போய்கிட்டிருக்குனு சொன்னேன்..

இதுக்கு மேல உன் கதையை கேட்டா என்ன கேட்கலைன்னா என்ன, உன் பிரச்சனைக்கு காரணம் தெரிஞ்சுருச்சு.. எந்த பொண்டாட்டிதான் இதை கேட்டுட்டு கட்டப்பஞ்சாயத்து வைக்கமாட்டா? உன்ன விஷம் வச்சு கொல்லாம வச்சுருக்காளே என் தங்கச்சி.. அவளை பாராட்டணும் டா !!
தங்கச்சி நான் உன்கட்சி மா!! இந்த பாவிக்கு பெரிய கமல்னு நெனப்பு.. செஞ்சதெல்லாம் தப்பு.. டெய்லி இவனால டீயும் வடையும் காலியானதுதான் மிச்சம் !!

தங்கச்சி! தங்கச்சினு போதைல சுந்தர் புலம்பும் போதே பார் டெண்டர் " சார்! சில்லி சிக்கன்னான்.. "
சுந்தர் போதைல எந்துருச்சு - என் கையாலதான் வினய்க்கு சிக்கன் தருவேன்னு சொல்லிகிட்டே வாங்கி, வினய் மச்சி, சாப்புடுடானு சொல்லிகிட்டே தட்ட கீழ விட்டுட்டு ஆள் சேருல சரிஞ்சு, டேபிள்ல கையவச்சு படுத்துட்டான் ..

கீழே சிதறிய சிக்கன் பீச பார்க்கும்போது, வினய்க்கு வாயில் எச்சில் ஊறியது..  அடப்பாவிகளா கடைசில 11 மணிக்கு மேல வாங்கி கொடுத்தானுங்க. கைக்கு எட்டியது வாய்க்கு எட்டல..

பார் டெண்டர் : "சாரி சார்.. ஏனிவே , திஸ் வில் பி இன்குலூடட் இன் தி பில் சார் "

ஆனா இந்த அருண் அப்புடியும் விடல..

டேய் வினய்,  சுந்தர் கதையை கேட்காம மட்டையாகிட்டான்.. நீ தான் மச்சி என்னைய புருஞ்சுகிற.. எனக்கும் தோல்வி கதை இருக்கு மச்சி.. நீ கட்டாயம் தெருஞ்சுக்கனும்..

(வினய் மனதுக்குள் - ஆமா நீ எட்டு லவ் பண்ணி டைவோர்ஸ் கேக்குறான்னு கவலை படுற, இப்போ 12 மணி ஆகிருச்சு, ஒரு பொண்ணைக்கூட நான் லவ் பண்ணதில்ல யாரும் நம்மள பார்த்ததில்லை, ஆனா இன்னைக்கு எனக்கு டைவோர்ஸ் ஆகிடும் போல இருக்கு.. இனிமே ஓசில ஸ்னாக்ஸ் சாப்பிட போகக்கூடாதுன்னு கடவுள் சொன்ன பாடமா இதை எடுத்துகிறனும்..மனச கல்லாக்கிகிட்டு இந்த கருமத்தையும் கேட்டு வைப்போம்..)

பர்ஸ்ட் சுந்தர்ட்ட சொன்னேன்ல, அவன் காலேஜில படிச்ச பொண்ணு வித்யா.. அதான் என் தங்கச்சி பிரண்டு.. எவ்வளவோ ட்ரை பண்ணியும் லவ் பண்ணல.. அப்புறம்தான் தெரிந்தது அவ ஏற்கனவே கமிட் ஆகிட்டானு ! என்னால தாங்க முடியல, உடனே ஒரு லவ் லெட்டரை மொட்டை கடுதாசியா போஸ்ட்ல  போட்டேன் கரெக்டா அவ அப்பா அட்ட்ரஸுக்கு..அவிங்களுக்கும் அறிவில்ல.. எவனாவது லவ் லெட்டரை அப்பாவுக்கு அட்ரஸ் பண்ணுவானா ? ஒரு குழப்பம் வரட்டும்னு சும்மா போட்டேன், பார்த்தா உடனே அவளுக்கு கல்யாணம் பண்ணிவச்சுட்டானுங்க..

சொல்லிட்டு பயங்கரமா சிரிச்சான் அருண்...

வினய் மனதுக்குள்ள : அட நாதாரிகளா ! வித்யா தான் சுந்தர் சொன்ன வித்து குட்டியா ? இதை ஆறு மணிக்கே முழு பேரை சொல்லி பேசியிருந்தா முடுஞ்சு போயிருக்குமேடா.. இந்த மடையனும் வித்து குட்டி கேரளா பெயருண்டான்.. சுந்தர் வாழ்க்கையை கெடுத்தது நீ தானா? அட பாவி!

வினய் : "அருணு, உன் தங்கச்சி வித்யா பிரண்டுன்னு சொன்னேல,  உன் தங்கை பெயர் என்ன..

திவ்யா மச்சி.. சரிடா ! பீரு பிளாடரை (bladder) முட்டிகிட்டுருக்கு.. வாஷ்ரூம் போயிட்டு வரேன்..

அவன் போனநேரத்தில கரெக்டா அருணுக்கு போன் வருது..
"கடவுள் மனிதனாக பிறக்க வேண்டும், அவன் காதலித்து வேதனையில் மிதக்க வேண்டும்.."  அவன் பொண்டாட்டிக்கு வச்ச ரிங் டோன்..

சடார்னு சுந்தர் எந்திருச்சு நின்னான்... இப்போ என்ன பண்ணப்போறான்னு வினய்க்கு பக்கு பக்குனு இருந்தது.. அருணோட போன்ல கால் (phone call )  வந்ததால எந்திருச்சவன்  அவனை அறியாம போதைல அட்டென்ட் பண்ணினான்..

அருண் மனைவி  : அவரு இல்லையா?

இருக்கான் தங்கச்சி.. பார்ல தான் இருக்கான் !! தங்கச்சி நான் உன் கட்சிமா!! அருண் மோசம்மா.. அம்மா தங்கச்சி நீ அவனுக்கு ஒன்பதாவது ஆளோ பத்தாவது ஆளோ.. இன்னும் புரியல.. ஆனா உன் பிரச்சனைக்கு தீர்வு ஒன்னா சேர்ந்து காணுவோம்மா !! பாவி என் தங்கச்சிய ஏமாத்திட்டானே!!

வினய் அவனிடம் போனை பிடுங்கி கட் பண்ணி விட்டான்.. சுந்தர் மறுபடியும் படுத்துவிட்டான்..

சிறிது நேரத்தில் அருண் வாஷ்ரூம்ல இருந்து வந்தான்.. பார் டெண்டரும் வந்தான்.. சார் 12 ஓ கிளாக்.. கிலோசிங் டைம்.. உங்க பில்..

வினய் வாங்கி அருணிடம் கொடுத்தான்..

அருண் பில்லை பார்த்தான்.. பீர், வீணாப்போன சிக்கன்,. ஒடஞ்ச கிளாஸ் சேர்த்து  - ரூபாய் 5100/- வந்தது.. அருண் சுந்தரை எழுப்பினான்.. "மாப்ள ஏந்திரிடா.. 12 மணி மேல ஆச்சு..உன் கார்ட கொடு..நம்பர் சொல்லு..

சுந்தர்: மச்சி.. 8704டா.. வினய்.. நல்லா சிக்கன் சாபிட்டயா ?

வினய் : பின்னு ஒர்க் ஆகல மச்சி.. உன் கார்டு நம்பர் சொல்லுடா..

சுந்தர் : 8704டா.. நல்லா சாப்பிடுங்கடா ஒன்றரை லட்சம் இருக்கு. 8704... 8704

பார் காரன் வினய பார்த்தான்.. வந்து கடலை மட்டும் சாப்பிட்ட வினய் அருண பார்த்தான்.. அருண் வினய பாவமா பார்த்தான்.. மச்சி ஏண்ட்ட காசில்லடா.. வினய் அவனோட  கார்ட்ல பில் செட்டில் பண்ணிட்டு.. சுந்தர இழுத்துகிட்டு மூவரும் கிளம்பினர்..

அருண் : "மச்சி சுந்தரு, உன் கார் நம்பர் என்னடா.. இங்கதான நிப்பாட்டிருந்த ?."

சுந்தர் : 8704.. டா ! சொன்னேனே.. நல்லா சாப்பிடுங்கடா ஒன்றரை லட்சம் இருக்கு. 8704... 8704

வினய் : "அருணு, அந்தா இருக்கு பாரு, 8704.. அவன் காரு.."

அருண் : "வீட்டுல ஏதாவது ப்ராஜெக்ட் டெலிவெரினு சமாளிக்கணும்.. "

அடுத்த நாள் டீ கடைல.. மூணுபேரும் எப்போதும் போல் சாயந்தரம் வந்தார்கள்..

அருண் : சுந்தரு, நெலம படு மோசம்டா! வீட்டுக்கு போனவுடனே.. நைட் ஒரு கூட்டத்தோட நின்னு, போன்ல வீடியோ எடுத்துகிட்டே.. "அவரை ஊத சொல்லுங்க.. டெய்லி இப்படி தான் குடிச்சுட்டு என்னய கொடும படுத்துறார்.." னு எல்லார்டையும் சொல்லிட்டாடா... எவனோ நல்லா போட்டு விட்டுட்டான்.. கைலகிடைச்சா செத்தான்..

சுந்தர் : எனக்கு மட்டும் என்ன நேத்து தீர்வு கிடைச்சதா என்ன, அந்த லவ் லெட்டர் இன்னும் புதிராத்தான் இருக்கு.. அதை  எழுதியவன் விளங்காம போவான்..

வினய் மனதுக்குள் : டேய் உங்க பிரச்சினைக்கு என்னைக்குமே தீர்வு வராதுடா மங்கானிகளா.. ரெண்டுபேரும் மாத்தி மாத்தி திட்டிக்கிறீங்களேடா! பேசாம நானும் நேத்து இவங்களமாதிரி குடிச்சுட்டு இந்த கதையெல்லாம் தெரியாமலயே போதைல இருந்துருக்கலாம்.. இப்போ இவிங்கள பார்த்தா பாவமா இருக்கு.. அட கடவுளே!