விசித்திரமானவளே !!

நீ விசித்திரமானவள் !!
அதோ அந்த அடுக்குமாடிவீட்டிலுள்ளவன் உன்னை ரசித்துக்கொண்டிருக்கிறான்
அதன் நேர்கீழே ஓலைக்குடிசையில் உடுக்க உடைகூட இல்லாதவன் உன்னை சபித்துக்கொண்டிருக்கிறான்
ஐயோ, பாவம் நீ!!

நீ விசித்திரமானவள் !!
அங்கே விவசாயி உன்னை எதிர்பார்த்து காத்திருக்கிறான்
ஆனால் ரோட்டோர கடைக்காரன் உன்னை விரட்டமுடியாமல் தவிக்கிறான்
ஐயோ, பாவம் நீ!!

நீ விசித்திரமானவள் !!
நீ சிறுநடைபோட்டு லேசாக உரசினால் குளிர்விக்கவந்ததாய் சொல்கிறான்
அதே நீ வேகமாய் ஓடினால் வெள்ளமென சாடுகிறான்
ஐயோ, பாவம் நீ!!

நீ விசித்திரமானவள் !!
இதோ என் தோட்டத்து செடிகள் நீ தந்த முத்தத்தால் வெட்கி தலைகுனிந்து அழகாய் நிற்கின்றன
அதோ அந்த எதிர்வீட்டு மாமி கொடியில் போட்டதுணிகள் நனைந்ததால் கடிந்துகொண்டிருக்கிறாள்
ஐயோ, பாவம் நீ!!

நீ விசித்திரமானவள் !!

பிரிவினையின்றி மக்கள் உன்னை சமமாய் பங்கிட்டால் சந்தோஷம் கிட்டும்

ஒருசாரார் மட்டும் சொந்தம் கொண்டாடி உனக்கு அணைபோட்டால் வெள்ளமே மிஞ்சும்

ஐயோ, பாவம் நீ!!

நீ விசித்திரமானவள் !!

ஒற்றுமையில்லா இவ்வுலகை பார்த்து நீ கதறி அழுவதையே மழை என்கின்றனர்

அனைவருக்கும் ஒருவர் நல்லவராய் இருக்கமுடியாதென்பதற்கு உன்னைவிட யார் நல்ல சான்று?

ஐயோ, பாவம் நீ!!

Comments

மணி Money மனிதன்

எங்கே அவளை இன்னும் காணவில்லை..? காலையிலிருந்து கண்ணில் தென்படவில்லையே.. எதிர் வீட்டிலிருந்து அவள் ஓரக்கண்ணால் என்னை பார்க்கும்போது சொர்க்கம் என்கண்முன்னே தெரியும்.. நீலநிறத்தில் வசீகரிக்கும் பூனைக்கண் போன்றது அவளது கண்கள். அவள் கடைக்கண்பார்வை படாதா என காலையில் எழுந்ததிலிருந்து காத்துக்கிடப்பேன் நான். இதோ அந்த பனங்கீற்றினால் வெய்யப்பட்ட வேலியிலுள்ள கீற்றுகளின் நடுவே உள்ள துவாரங்களில் வழ வழவென வாழைத்தண்டைபோன்ற அவளின் மெல்லிய இடை மிக அழகாக தெரிகிறது. வெட்டப்பட்ட ஆப்பிளோ அல்லது வாழைத்தண்டோ எவ்வாறு சிறிது நேரத்தில் உயிர்வளி ஏற்றம்பெற்று (OXIDATION) பழுப்பு (BROWN) நிறமாய் மாறுகிறதோ, அதே நிறத்தில் அவள் சருமம். ஆஹா.. எத்தனை அழகு.. லெட்சுமி என்ற பெயர் கனகச்சிதபொருத்தம் அவளுக்கு.. என் கையில் திடீரென சில்லென்ற உணர்வு என்னை அவள் நினைவுகளிலிருந்து மீட்டுகொண்டுவந்தது. அட.. ச்சே.. நம்ம எச்சி... இப்படியா ஜொள்ளு ஒழுக பார்க்கிறது.. எதிர்த்த வீடுதானே.. கொஞ்சம்கொஞ்சமா தினமும் ரசிக்கலாம், பேசலாம், பழகலாம்.. என்னைக்கினாலும் அவதான் என் பொண்டாட்டி. நான் இந்த...

வாட்ஸாப் நண்பர்களுக்கு வேண்டுகோள்

அன்பு நண்பர்களே !! பிறக்கும்போது உம்மை தெரியாது. பள்ளியில் பழகினோம், பசிக்கையில் பகிர்ந்துண்டோம், வேடிக்கையாய் நாம்செய்த கேளிக்கைகளுக்கில்லை எண்ணிக்கை. கல்லூரி சென்றும் கலந்துறவாடி, காலத்தே கல்யாணம் செய்து, மனைவி மக்கள் வந்தும் மங்கவிடவில்லை நம்நட்பை. அன்றிலிருந்து வளர்த்த பலவருட நட்பை, வென்று இன்று அரசியலும் மதமும் கொன்று தின்றுகொண்டிருக்கிறது!! அரசியல்வாதிகளின் அற்ப அரசியலுக்கு இரையாகிவிட்டோம் ! மனிதர்கள் வகுத்த மதம் மனிதனையே மிருகமாய் மாற்றிவிட்டது ! அன்று நம் கூட்டத்தில் யார் சங்கர், சலீம், சைமன் என எதற்கேனும் யோசித்திருப்போமா ? இன்று வாட்ஸாப்பில் சகநண்பனின் லெஃப்ட் மெசேஜ் வரும்போது தெரிகிறது நம்முள் எத்தனை சங்கர், சலீம், சைமன் உள்ளனர் என்று சாதாரண லெஃப்ட் மெசேஜ் என எண்ணாதே, அது சமிங்கை மதம் என்கின்ற மிருகம் நம்மை தின்று கொண்டிருப்பதற்கு சான்று. ஐயகோ! எத்துனை கேவலம்!! விழித்துக்கொள் வாட்ஸாப் நண்பா !! பகிரும்முன் பரிசீலித்து பார் !! பலவருட நட்பா? பத்துபைசா பிரயோஜனமில்லாத அரசியலா? தூண்டிவிட்டு வேடிக்கைபார்ப்பவன் அரச...

முகமூடி

இ ந்த முகமூடி மிகவும் பிடித்துபோய்விட்டது. இப்பொழுதான் நான் சுதந்திரமாக இருப்பதாய் உணர்கிறேன். பிடிக்காதவர்களை பார்க்கும்போது தைரியமாய் முறைத்துப்பார்க்கிறேன். சிலர் என்னைப்பார்த்து ஏளனமாய் சிரிக்கின்றனர். சிலர் கண்ணெதிரே கேலி செய்து பேசுகின்றனர். யாரும் எப்படியும் பேசட்டும், சிரிக்கட்டும் நான் முகமூடிக்குள் சிரிப்பதோ, அழுவதோ, முறைப்பதோ அவர்களுக்கு தெரியாது. வெளியிலிருந்து பார்ப்போருக்கு நான் எப்போதும் பெரிய காதுடன் வட்டவடிவ முகத்தில் நீண்ட மூக்குடன் எப்போதும் சிரித்தபடியே தெரியும். இந்த முகமூடி என் மனதின் வெளிப்பாடை பிறர் பார்க்காதபடி மறைத்துவிடுவது நான் வேறு உலகத்திலிருந்து மறைந்து இந்த மனிதர்களை பார்ப்பதுபோல் உள்ளது. தினமும் ரோட்டில் நின்றுகொண்டு பலதரப்பட்ட மனிதர்களை பார்க்கிறேன் வரவேற்கிறேன். சமூகத்தில் நடக்கும் அவலங்களை என் கண்முன்னே பார்க்கும்போது இந்த வயதான காலத்தில் தடுக்கமுடியவில்லையென்றாலும், முகமூடி இருக்கும் தைரியத்தில் சுதந்திரமாக எனக்கு தெரிந்த கெட்டவார்த்தையில் ஆசை தீர திட்டிக்கொள்வேன். அநீதி இழைக்கும் போலீசையோ, திமிராய் வாகனம் ஓட்டும் அ...

Senthil Selvan G P

Search This Blog